RoseMag.Net Blog http://rosemag.net/ Blog posts for RoseMag.Net en-gb den.chuch@gmail.com Copyright 2017 តើ​បុរស​ក្នុង​ក្តី​ស្រម៉ៃ​របស់​នារីៗ​ ជា​បុរស​បែបណា​ទៅ? http://rosemag.net/1673 មនុស្ស​ស្រី​ម្នាក់ៗ​ តែងតែ​មាន​បំណងប្រាថ្នា​មួយ ​នៅពេល​នាង​មាន​ស្នេហា​ជាមួយ​បុស​ណា​ម្នាក់ ​គឺ​នាង​ចង់បាន​បុរស​ដែល ពោរពេញ​ទៅ​ដោយ​សមត្ថភាព មាន​ចំណេះដឹង ស្មោះត្រង់ មិន​ចេះ​ភូតភរ​កុហក មាន​ការតស៊ូ​នៅ​ក្នុង​​ជីវិត និង​ចេះ​ស្តាប់​នូវ​ហេតុផល ​ព្រម​ទាំង​ស្រឡាញ់​នាង ​ដោយ​ចេញពី​ចិត្ត និង​ចេះ​មើលថែ​យកចិត្តទុកដាក់​ចំ​ពោះ​សង្សារ ​ឬ​ប្រពន្ធ​។​ ហើយ​នៅក្នុង​នេះ​ដែ​រ ក៏មាន​នារី​មួយ​ចំ​នួន​ទៀ​ត​ នាង​មិន​ចង់បាន​បុរស​ដែលជា​អ្នក​មាន​ទ្រ​ព្យ​សម្បត្តិ​អី​ណាស់ណា​នោះ​ទេ សំខាន់គឺ​បុរស​នោះ​ មាន​មុខរបរ​មួយ​ដ៏​ពិតប្រាកដ និង​ចែះ​ស្រឡាញ់​ថ្នាក់ថ្ន​មនាង​ទៅ​ គឺ​បាន​ហើយ។ ​មិន​តែ​ប៉ុណ្ណោះទេ​ មនុស្ស​ស្រី​មួយ​ចំ​នួន​ទៀ​ត ​នាង​គ្មាន​ប្រាថ្នា​អ្វី​ក្រៅពី​ចង់​បានការ​ក្តី​ស្រឡាញ់​ពី​បុរស​នោះ​ទេ​ ទោះ​ជា​នាង​ត្រូវ​រស់ នៅ​ជាមួយ​បុរស​ ដែល​នាង​ស្រឡាញ់​ ក្នុង​ភាព​លំ​បាក​យ៉ាង​ក៏ដោយ​ សូម​តែ​ម្យ៉ាង​ទេ​ គឺ​គេ​យល់ចិត្ត​នាង​។​ ចំណែកឯ​នារីៗ​ ភាគ​ខ្លះទៀ​ត នាង​ចូលចិត្ត​ និង​ស្រឡាញ់​បុរស​ដែល​ឡូយ​ឆាយ មាន​សម្ភារៈ​និយម មាន​ទ្រ​ព្យ​សម្បត្តិ​ច្រើន ព្រម​ទាំង​ឋានៈ​តួនាទី​ខ្ពស់​នៅក្នុង​ស​ង្គ​ម។ ​ទ​ន្ទឹ​ម​នឹងនេះ​ដែរ ​មនុស្ស​ស្រី​ខ្លះ​ទៀ​ត​ គឺ​នាង​ជក់ចិត្ត​នឹង​ស្រឡាញ់​ប្រាថ្នា​ចង់បាន​តែ​បុរស​សង្ហារៗ ​គឺ​នាង​ឱ្យ​តម្លៃ​លើ​សម្រស់​របស់​បុរស​ស​ជា​ធំ​។ ​ប៉ុន្តែ​រាល់​ការប៉ង​ប្រាថ្នា​ និង​ក្តី​ស្រមៃ​ទាំងនោះ​ មាន​នារី​ខ្លះ​ក៏​សម​តាម​បំ​ណង​ រីឯ​នារី​មួយ​ចំ​នួន​ ក៏​មិន​សម​តាម​បំ​ណង​នោះ​ដែរ​។ តែ​សម្រាប់​ជីវិត​មួយ​ដែល​ប្រកបទៅដោយ​សុភម​ង្គ​ល​នោះ គឺ​សូម​ត្រឹម​ជួប​បុរស​ដែល​ចេះ​យល់ចិត្ត ស្រឡាញ់​ថ្នាក់ថ្នម និង​សណ្តោស​ប្រណី​ និង​អាច​ឱ្យ​យើង​ផ្ញើ​វាសនា​ជីវិត​ទៅ​គឺ​បាន​ហើយ​ជីវិត​មួយ​នេះ​ និង​មាន​សុភម​ង្គ​ល៕ ​

]]>
Rose Online Magazine Wed, 18 Jan 2017 00:51:00 +0000 http://rosemag.net/1673 ចំណេះដឹង
អាន​អត្ថបទ​នេះ ប្រសិន​បើ​អ្នក​ឆាប់​ខឹង សូម្បី​តែ​រឿង​បន្តិច​បន្តួច ក៏​ខឹង​ដែរ!!! http://rosemag.net/1671 ពាក្យ​ចាស់​លោក​តែង​លើក​ឡើង​ថា "ខឹង​ខុស ខឹង​ខូច ខឹង​ខាត"។ ក្នុង​ន័យ​នេះ លោក​ចង់​អប់​រំ​យើង​កុំ​ឲ្យ​ខឹង​តែ​ម្ដង។ ការ​ខឹង មិន​ដែល​ទទួល​បាន​ផល​ល្អ​នោះ​ឡើយ។ ការ​ខឹង​ចំពោះ​អ្នក​ដទៃ​ប្រៀប​ដូច​ជា​ការ​យក​កម្ទេច​អង្កាម ទៅ​បាច​បញ្ច្រាស​ខ្យល់​អញ្ចឹង។ កម្ទេច​អង្កាម នឹង​ជះ​ត្រឡប់​មក​លើ​ខ្លួន​វិញ​ជា​មិនខាន។ យើង​នឹង​និទាន​រឿង​មួយ ទាក់​ទង​នឹង​ទោស​នៃ​ការ​ខឹង ៖ កាល​ពី​ដើម​ឡើយ មាន​ព្រះ​មហាក្សត្រ​មួយ​អង្គ មាន​ព្រះ​បុត្រា​១ និង​មាន​សត្វ​ចិញ្ចឹម២ ជា​សត្វ​សេក។ ព្រះ​អង្គ​ស្រឡាញ់​ព្រះ​បុត្រា និង​ស្រឡាញ់​សេក​ទាំង​២ ដូច​គ្នា​ដែរ។ ហើយ​សត្វ​សេក​ទាំង២​នេះ ជា​សត្រូវ​នឹង​សត្វ​ចាប។ ថ្ងៃ​មួយ​ព្រះ​បុត្រា​បាន​នាំ​សត្វ​សេក​នោះ​ទៅ​កំសាន្ត​នៅ​តំបន់​សួន​ច្បារ​ ក្បែរ​ព្រះ​រាជវាំង។ មួយ​សន្ទុះ​ក្រោយ​មក សត្វ​សេក​បាន​ប្រយុទ្ធ​គ្នា​យ៉ាង​ខ្លាំង​ជា​មួយ​នឹង​សត្វ​ចាប។ រំពេច​នោះ​ព្រះ​បុត្រា​បាន​ឃើញ​ហេតុ​ការណ៍ ក៏​ទៅ​ចាប់​ទាញ​សត្វ​សេក​នោះ ​ចេញ​ដោយ​ប្រើ​ដៃ​ខ្លាំងៗ មិន​ថ្នម​ដៃ ដែល​ធ្វើ​ឲ្យ​សត្វ​សេក​នោះ​ងាប់​ភ្លាមៗតែម្ដង។ សត្វ​សេក​មួយ​ក្បាល​ទៀត​ឃើញ​ដូច​នេះ ក៏​បាន​ហោះ​ទៅ​ទុំ​លើ​ដើម​ឈើ​ខ្ពស់​មួយ ដើម្បី​សុវត្ថិភាព។ ដំណឹង​សត្វ​សេក​ស្លាប់ បាន​ដឹង​ដល់​ព្រះ​រាជា ជា​បិតា។ ពេល​នោះ​ព្រះ​មហាក្សត្រ​ជា​បិតា មាន​សេចក្ដី​ខឹង​ក្រោធ​យ៉ាង​ខ្លាំង ហើយ​យាង​ទៅ​សួន​ច្បារ​នោះ។ ដោយ​ការ​ខឹង​ខ្លាំង​ពេក ព្រះ​អង្គ​បាន​វាយ​ព្រះ​រាជបុត្រ និង​បាន​យក​ម្រាម​ដៃ​ទាំង​២ ចាក់​ភ្នែក​ព្រះ​រាជ​បុត្រ បណ្ដាល​ឲ្យ​ខ្វាក់។ ព្រះ​អង្គ​ក៏​បាន​ស្រែក​ទៅ​កាន់​សត្វ​សេក​មួយ​ក្បាល​ទៀត ដែល​បាន​ហោះ​ទៅ​ទុំ​នៅ​លើ​ដើម​ឈើ​ខ្ពស់​នោះ​ថា "សូម​អ្នក​ត្រឡប់​ចុះ​មក​វិញ​មក! ហើយ​បំភ្លេច​រឿង​ដែល​បាន​កើត​ឡើង​នៅ​ថ្ងៃ​នេះ​ចោល​ទៅ..."។ សត្វ​សេក​បាន​តប​វិញ​ថា "តើ​ឲ្យ​ខ្ញុំ​ជឿ​អ្នក​ម្ដេច​កើត? បន្ទាប់​ពី​រឿង​កើត​ឡើង​នៅ​ថ្ងៃ​នេះ វា​ជា​ហេតុ​ផល​មួយ ដែល​ខ្ញុំ​ត្រូវ​នៅ​ឲ្យ​ឆ្ងាយ​ពី​អ្នក។ ខ្ញុំ​បាន​ឃើញ​សេចក្ដី​ស្រឡាញ់ ប្រែ​ទៅ​ជា​ស្អប់​យ៉ាង​ឆាប់​រហ័ស ដែល​អ្នក​បាន​ធ្វើ​ចំពោះ​ព្រះ​រាជ​បុត្រ"៕ ​

]]>
Rose Online Magazine Tue, 17 Jan 2017 05:55:00 +0000 http://rosemag.net/1671 ចំណេះដឹង
ធ្វើ​ដូចម្ដេច ទើប​អាច​ដឹង​ពី​ចរិត​មនុស្ស​ដែល​អ្នក​ទើប​ស្គាល់? http://rosemag.net/1674 ការ​ស្វែង​យល់​ពី​ចរិត​ពិត​របស់​មនុស្ស​ម្នាក់ គឺ​ជា​រឿង​ពិបាក។ មនុស្ស​តែង​លាក់​បាំង​ចរិត​អាក្រក់​របស់​ខ្លួន ហើយ​បង្ហាញ​តែ​ភាព​ល្អ ដែល​គេ​អាច​ហៅ​ថា ជា​សោភ័ណ្ឌភាព​របស់​ខ្លួន។ ហេតុ​ដូច​នេះ បើ​ចង់​ដឹង​ធាតុ​ពិត​របស់​គេ ពិត​ជា​​មិន​ងាយ​ស្រួល​ឡើយ។ ក្នុង​ការ​ស្ទាប​ស្ទង់​ពី​អត្តចរិត​របស់​នរណា​ម្នាក់ អោយ​បាន​ច្បាស់​លាស់ ប្រសិន​បើ​អ្នក​គ្មាន​ពេល​វេលា​គ្រប់​គ្រាន់ ដើម្បី​សង្កេត​មើល​គេ ក៏​មិន​អី​ដែរ។ បញ្ហា​មួយ​ទៀត អ្នក​នឹង​មាន​អារម្មណ៍​ស្ទាក់​ស្ទើរ​ថា តើ​គួរ​សេព​គប់​មនុស្ស​ដែល​អ្នក​ទើប​ស្គាល់​ដែរ​អត់? ដូច្នេះ​អ្នក​គ្រាន់​តែ​សួរ​សំណួរ​បែប​ប្រយោល លេង​ពីរ​ប្រយោគ​ឲ្យ​គេ​ជ្រើសរើស តាម​ចំណូល​ចិត្ត​របស់​គេ។ តាម​រយៈ​ចម្លើយ អ្នក​អាច​ស្ទាប​ស្ទង់​ដឹង​ពី​គេ​បាន។ ការ​សួរ​សំណួរ សួរ​ដោយ​ត្រង់ៗ​ក៏​បាន មិន​ចាំ​បាច់​ខ្លាច​ចិត្ត​ខ្លាច​ថ្លើម​អី​ទេ៕ ​

]]>
Rose Online Magazine Tue, 17 Jan 2017 01:04:00 +0000 http://rosemag.net/1674 ចំណេះដឹង
នេះ​ជា​ហេតុ​ផល​ដែល​មនុស្ស​ចាស់ ត្រូវតែ​ហាត់​ប្រាណ​ជា​ចាំបាច់ http://rosemag.net/1669 សុខភាព​ជា​វត្ថុ​ដ៏​សំខាន់​មួយ​សម្រាប់​ជីវិត​មនុស្ស។ សុខភាព​ល្អ ត្រូវ​បាន​គេ​ប្រៀប​ប្រដូច​ទៅ​នឹង​ទ្រព្យ​សម្បត្តិ​ដ៏​មាន​តម្លៃ​មិន​អាច​កាត់​ថ្លៃ​បាន ព្រោះ​ថា បើ​មាន​សុខភាព​ល្អ ទោះ​បី​ជា​មិន​សូវ​មាន​ទ្រព្យ​សម្បត្តិ​ក៏​ដោយ ក៏​យើង​អាច​រីករាយ​បាន​ដែរ។ ដោយ​ឡែក​ការ​ហាត់​ប្រាណ​ពិត​ជា​មាន​សារៈសំខាន់​ណាស់ ទោះ​បី​ជា​អ្នក​​មាន​អាយុ​ចាស់​ហើយ​ក៏​ដោយ។ ខាង​ក្រោយ​នេះ​ជាសារៈ​សំខាន់​មួយ​ចំនួន​ក្នុង​ការ​ហាត់​ប្រាណ​របស់​មនុស្ស​ដែល​មាន​វ័យ​ចាស់។ ការ​ហាត់​ប្រាណ​អាច​ជួយ​បង្កើន​នូវ​ថាមពល មាន​ភាព​រហ័ស​រហួន មាន​ភាព​បត់បែន​បាន​លឿន និង​អាច​ធ្វើ​ចលនា​បាន​ល្អ​ដែល​ធ្វើ​ឲ្យ​មនុស្ស​ដែល​មាន​វ័យ​ចាស់​កាត់​បន្ថយ​នូវ​គ្រោះ​ថ្នាក់​នៃ​ការ​ដួល​ដោយ​មិន​ដឹង​ខ្លួន។ ការ​ហាត់​ប្រាណ​ក៏​អាច​ជួយ​ឲ្យ​មនុស្ស​វ័យ​ចាស់​រក្សា​នូវ​ទម្ងន់ ឬ​បញ្ចុះ​ទម្ងន់​បាន​ទៀត​ផង តាម​រយៈ​ការ​ដុត​បំផ្លាញ​នូវ​ចំនូន​កាឡូរី៕ ​

]]>
Rose Online Magazine Mon, 16 Jan 2017 02:30:00 +0000 http://rosemag.net/1669 សុខភាព
កម្រង​សម្ដី​ពេជ្រ ៣ ឃ្លា ដែល​អ្នក​គួរ​ដឹង!!! http://rosemag.net/1668 ជីវិត​របស់​មនុស្ស គឺ​ត្រូវ​ការ​ជា​ចាំបាច់​នូវ​ការ​រៀន​សូត្រ ការ​សិក្សា​ស្វែង​យល់ និង​ជា​ពិសេស​នោះ ត្រូវ​រៀន​ពី​អ្វី​ដែល​ថ្មីៗ និង​នៅ​ជុំវិញ​ខ្លួន​ជា​និច្ច។ ដោយ​ឡែក​ថ្ងៃ​នេះ យើង​នឹង​លើក​យក​នូវ​សម្ដី​ដ៏​មាន​តម្លៃ ៣ ឃ្លា ដែល​ប្រៀប​ដូច​ជា​ពេជ្រ​មួយ​គ្រាប់​ដ៏​មាន​តម្លៃ ដែល​អ្នក​អាច​យក​ទៅ​ទុក​នៅ​ក្នុង​ខ្លួន​បាន ដោយ​មិន​ខ្លាច​បាត់បង់ ឬ​ត្រូវ​ចោរ​លួច ចោរ​ប្លន់​ឡើយ។ ១. ស៊ូរស់​នៅ​ជា​អ្នក​សុំ​ទាន ប្រសើរ​ជាង​ធ្វើ​ស្ដេច​ដែល​គ្មាន​ជីវិត។ មនុស្ស​ទាំង​អស់ នៅ​លើ​ផែន​ដី​នេះ​គេ​តែង​គោរព​ស្ដេច​ជា​ធំ ជា​មនុស្ស​ដែល​មាន​អំណាច​ជាង​គេ។ ប៉ុន្តែ​គេ​មិន​គោរព​ស្ដេច​ដែល​មាន​ឈ្មោះ​ជា​ស្ដេច តែ​មិន​មាន​ព្រះជន្ម​រស់​នៅ​នោះ​ទេ។ ២. ចូរ​កុំ​ឆ្លើយ​ទៅ​នរណា​ម្នាក់ ដែល​អ្នក​កំពុង​ខឹង ស្ងាត់​មាត់​ឲ្យ​ស្ងៀម​ឈឹង បើ​យើង​ខឹង​កុំ​និយាយ​។ ក្នុង​ន័យ​នេះ គេ​អប់​រំ​យើង​កុំ​ឲ្យ​និយាយ​ទៅ​កាន់​នរណា​ម្នាក់ ពេល​ខ្លួន​កំពុង​ខឹង។ ប្រសិន​បើ​មាន​កំហឹង​ក្នុង​ខ្លួន មនុស្ស​តែងតែ​ពោល​ពាក្យ​គំរោះ​គម្រើយ ពាក្យ​អសីលធម៌​ផ្សេងៗ ដែល​ធ្វើ​ឲ្យ​អ្នក​ផ្សេង​ស្ដាប់​មិន​ចូល​ត្រចៀក និង​មាន​ពេល​ខ្លះ​គេ​ខឹង​ស្អប់​ទៀត​ផង។ ៣. ចូរ​ទូន្មាន​ប្រៀន​ប្រដៅ​មនុស្ស​ក្នុង​ទី​ស្ងាត់ ហើយ​សរសើរ​គេ​ក្នុង​ទី​ប្រជុំជន។ អ្នក​អាច​អប់​រំ​ទូន្មាន​ប្រៀន​ប្រដៅ​មនុស្ស​ម្នាក់​នៅ​កន្លែង​ស្ងាត់ៗ ដើម្បី​កុំ​ឲ្យ​គេ​មាន​អារម្មណ៍​ខ្មាស់​គេ។ តែ​អ្នក​អាច​សរសើរ​មនុស្ស​ម្នាក់​នោះ នៅ​ក្នុង​ចំណោម​មនុស្ស​ជា​ច្រើន ដើម្បី​បង្ហាញ​ពី​ចំណុច​ល្អ​របស់​គេ ឲ្យ​មនុស្ស​គ្រប់គ្នា​បាន​ដឹង៕ ​

]]>
Rose Online Magazine Mon, 16 Jan 2017 02:28:00 +0000 http://rosemag.net/1668 ចំណេះដឹង
អត្ថប្រយោជន៍ ៣​យ៉ាង​ដែល ស្លឹកម្លូ​អាចធ្វើ​បាន​ចំពោះ​សុខភាព​មនុស្ស​យើង​ http://rosemag.net/1670 អស់​រយៈពេល​ច្រើន​ឆ្នាំ​មកហើយ ដែល​ស្លឹកម្លូរ​តែងតែ​ជា​ចំណី​ទំពារ​លេង​របស់​ប្រជាជន​ខ្មែរ​យើង ជាពិសេស​ចាស់ៗ​តែម្តង ដោយ​មិន​ថា​ប្រុស​ឬ​ស្រី​ឡើយ​។ ប៉ុន្តែ​ដល់​ពេល​សម័យ​បច្ចុប្បន្ន​វិញ ដូចជា​មិនសូវ​មាន​នរណា​ចូលចិត្ត​ញ៉ាំ​ស្លឹកម្លូ​លេង​ទៀត​ណាស់​។ ​កាលពី​ជំនាន់​មុន មិនទាន់​មាន​នរណា​ដឹង​ច្បាស់​អំពី​អត្ថប្រយោជន៍​របស់​ស្លឹកម្លូរ​ទេ តែ​អ្វី​ដែល​ដឹង​ច្បាស់​នោះ​គឺ ការ​ទំពារ​ស្លឹកម្លូរ​ជួយ​ឲ្យ​ធ្មេញ​រឹងមាំ​ល្អ​ប៉ុណ្ណោះ​។ ប៉ុន្តែ​អ្វី​ដែល​គេ​មិន​ថ្លាប់​ដឹង​នោះ​គឺថា ស្លឹកម្លូ​ផ្ទុក​ទៅដោយ វីតាមីន C កាលស្យូម Thiamin, Niacin, Riboflavin និង Carotene​។ ការសិក្សា​បាន​បង្ហាញថា ស្លឹកម្លូ​មាន​សមត្ថភាព​ប្រឆាំង​នឹង​ជំងឺ​មហារីក ព្រមទាំង​មាន​ប្រយោជន៍​ចំពោះ​សុខភាព​ច្រើន​ទៀត​ដូចជា​៖ ​ បំបាត់​ការឈឺចាប់​ •​ ​លាប​ស្លឹកម្លូ​ដែល​កិន​រួច​ទៅ​លើ​កន្លែង​ដែល​ឈឺចាប់​ •​ ​ទំពារ​ស្លឹកម្លូ និង​លេបទឹក​របស់​វា​អាច​ជួយ​បំបាត់​ការឈឺចាប់​ពី​ខាងក្នុង​ •​ ​ការ​ស្អំ​ស្លឹកម្លូ​នៅលើ​ដំបៅ​ក៏​ជួយ​ឲ្យ​របួសឆាប់​ជា​ដែរ​ •​ ​ការ​លាយ​ទឹក​ស្លឹកម្លូ​ជាមួយ​ប្រេង​ដូង ហើយ​យក​វា​មក​ម៉ាស្សា​លើ​សន្លាក់ និង​សាច់ដុំ​ដែល​ឈឺ​ក៏​មាន​ប្រសិទ្ធភាព​បំបាត់​ការឈឺចាប់​ដែរ​ •​ ​យក​ទឹក​ស្លឹកម្លូ​មក​ត្រដុស​ថ្នមៗ​លើ​ថ្ងាស អាច​ព្យាបាល​ការឈឺ​ក្បាល​បាន​ ​ ជំនួយ​ដល់​ការរំលាយ​អាហារ​ •​ ​ស្លឹកម្លូ​មាន​កម្រិត pH ណឺត ដែល​អាច​ជួយ​ព្យាបាល​ការ​ឈឺក្រពះ និង​មាន​សារធាតុ​អង់​ទុក​ស៊ី​ដង់​ដែល​អាច​កំចាត់​រ៉ាឌីកាល​សេរី​ពី​ក្នុង​ខ្លួន​បាន​ទៀត​ •​ ​ការ​ញ៉ាំ​ទឹក​ស្លឹកម្លូ​រាល់ថ្ងៃ​នៅពេល​ពោះ​ទទេ​អាច​បង្ការ​ការ​ទល់លាមក​បាន​ •​ ​ការដាំ​ទឹក​ដោយ​ដាក់​ស្លឹកម្លូ​ជាមួយនឹង​ម្រេច​ខ្មៅ ឲ្យ​ពុះ​ហើយ​ច្រោះ​យក​ទឹក​របស់​វា​មក​ទទួល​ទាន អាច​ជួយ​ព្យាបាល​បញ្ហា​ក្រពះ​មិន​ស្រួល​លើ​កុមារ​បាន​ •​ ​ស្លឹកម្លូ​ជួយ​បង្កើនរ​បត់​ឈាម​រត់ និង​លំហូរ​ជាតិ​ប្រូតេអ៊ីន និង​ជីវជាតិ​ផ្សេងៗ​ក្នុង​រាងកាយ​ •​ ​ការ​ទំពារ​ស្លឹកម្លូ​ជា​ទៀងទាត់​ជួយ​ព្យាបាល​អា​ការៈឈឺ​ក្រពះ​បាន​ ​ ជួយ​ឲ្យ​ដង្ហើម​ស្រស់ស្រាយ​ •​ ​ការ​ទំពារ​ស្លឹកម្លូ នឹង​អាច​សម្លាប់​មេរោគ​ដែល​មាន​ក្នុង​មាត់ សម្អាត​មាត់ បង្ការ​ជំងឺ​ពុក​ធ្មេញ និង​ពង្រឹង​ដល់​សុខភាព​អញ្ចាញធ្មេញ​ទៀត​ •​ ​បើសិនជា​អាច ចូរ​លាយប្រេង​ស្លឹកម្លូ​មួយ​ដំណ​ក់ ជាមួយ​ទឹក​ក្តៅ​ឧណ្ហៗ ហើយ​យក​វា​មក​ខ្ពុរ​ក្នុង​មាត់​ដើម្បី​បង្ការ​ការបង្ក​រោគ​ក្នុង​មាត់​។ ​ អ្វី​ដែល​ប្រុងប្រយ័ត្ន​ខណៈពេល​កំពុង​តែ​ប្រើប្រាស់​ស្លឹកម្លូ​ •​ ​សម្រាប់​អ្នក​ដែល​មាន​ជំងឺ​ដំបៅ​ក្រពះ ឈឺ​ក្បាល​បែប​ប្រកាំ​ង កើត​កន្ទាលត្រអាក ជំងឺរបេង ឆ្គួត​ជ្រូក និង​បញ្ហា​ផ្លូវចិត្ត​ផ្សេងៗ​ទៀត​មិនគួរណា​ប្រើប្រាស់​ស្លឹកម្លូ​នេះឡើយ​។​ •​ ​ការ​ដែល​ប្រើ​ស្លឹកម្លូ​ដែល​ចាស់​ពេក ក៏​មិនសូវ​មាន​ប្រសិទ្ធភាព​ដូច​អ្វី​ដែល​បាន​និយាយ​ខាងលើ​ដែរ​ •​ ​បើសិន​ជា​អ្នក​មាន​បញ្ហា​សុខភាព​ណាមួយ ចូរ​ពិគ្រោះ​ជាមួយ​គ្រូពេទ្យ​ជាមុនសិន​ថា តើ​អ្នក​ស័ក្តិសម​នឹង​សក​ល្បង​ប្រើប្រាស់​ស្លឹកម្លូ​នេះ​ឬ​អត់​៕ ​

]]>
Rose Online Magazine Mon, 16 Jan 2017 00:36:00 +0000 http://rosemag.net/1670 ចំណេះដឹង
ការវិវត្ត និង​ការផ្លាស់ប្តូរ​នៃ «ទឹកដោះ​ម្តាយ» http://rosemag.net/1665 មនុស្ស​ភាគច្រើន​មិន​បានដឹងថា ទឹកដោះ​ម្តាយ មាន​ការផ្លាស់ប្តូរ​ជាច្រើន អំឡុង​ពេល​ពីរ​បី​ខែ​ដំបូង នៃ​ការ​បំបៅកូន​ដោយ​ទឹកដោះ​ម្តាយ​។ វា​អាច​ប្រែប្រួល​ពណ៌ សភា​ពរាវ ឬ​ខាប់ រសជាតិ និង​សារធាតុចិញ្ចឹម​។​ ​សារធាតុចិញ្ចឹម​ចាំបាច់​បំផុត ដែល​ទារក​ត្រូវការ គឺ​មាន​នៅក្នុង​ទឹកដោះ​ម្តាយ ដូច្នេះហើយ​បានជា​គ្រូពេទ្យ ណែនាំ​ឲ្យ​អ្នក​ព្យាយាម​បំបៅ​ដោះ​កូន ឲ្យបាន​យូរ​បំផុត​តាម​ដែល​អាច​ធ្វើទៅបាន​។​ ការពិត​មួយ​ចំនួន ដែល​ទាក់ទង​ទៅ​នឹង​ទឹកដោះ​ម្តាយ​ ១. ក្រោយ​សម្រាល​បាន​ពីរ​បី​ថ្ងៃ ទឹកដោះ​ម្តាយ​អាច​ចេញ​បាន​តិចតួច​ប៉ុណ្ណោះ ប៉ុន្តែ វា​ប្រៀបបាន​នឹង​ទឹកមាស​អញ្ចឹង គឺ​ថា​ជា​សារធាតុចិញ្ចឹម​ពណ៌​លឿងៗ ដែល​ជួយ​ឲ្យ​កុមារ​រឹងមាំ និង​មិន​ងាយ​ឈឺ​។​ ​បន្ទាប់​ពី​សប្តាហ៍​ទី ៦ ទឹកដោះ​ម្តាយ​មាន​ផ្ទុក​អង្គ​បដិបក្ខ ដែល​អាច​ជួយ​ការពារ​ទារក​ពី​ជំងឺ​នានា​។​ ៣. បន្ទាប់​ពី​សម្រាល​បាន​បី​ខែ ទឹកដោះ​ម្តាយ​ចាប់ផ្តើម​មាន​កាឡូរី​ច្រើន ដើម្បី​ជួយ​ដល់​ការលូតលាស់​របស់​កូន​។​ ៤. បន្ទាប់​ពី ៦ ខែ ទឹកដោះ​ម្តាយ​ចាប់ផ្តើម​មាន​អាស៊ីត​អូ​មេហ្កា​បី ដើម្បី​ជួយ​ដល់​ការលូតលាស់​ខួរក្បាល និង​ប្រាជ្ញា​ស្មារតី​។​ ៥. បន្ទាប់​ពី​មួយ​ឆ្នាំ ទឹកដោះ​ម្តាយ​មាន​ផ្ទុក​ទាំង​អាស៊ីត​ខ្លាញ់​អូ​មេហ្កា និង​កាឡូរី ដែល​វា​ជួយ​ឲ្យ​ការលូតលាស់​សាច់ដុំ និង​ខួរក្បាល​កូន​របស់​អ្នក​ឲ្យ​កាន់តែ​លឿន​៕ ​

]]>
Rose Online Magazine Sun, 15 Jan 2017 00:51:00 +0000 http://rosemag.net/1665 ចំណេះដឹង
បុរស​ស្គមៗ​ភាគច្រើន​ជា​គូ​នឹង​នារី​ម៉ាប់ៗ​ តើ​ពិត​អត់? http://rosemag.net/1663 ​គេ​តែង​និយាយថា​ ល្អជា​គូ​និង​អាក្រក់ ស​ជាមួយ​ខ្មៅ ស្គម​ជា​គូ​និង​ធាត់​ ការនិយាយ​បែប​នេះ តើ​វា​ជា​ការពិត​ឬ​យ៉ាងណា​? ជា​ការពិត​ណាស់​ វា​មិនមែន​ខុស​ទាំងស្រុង ហើយ​ក៏​មិនមែន​ត្រូវ​ទាំងស្រុង​នោះដែរ​។​ គេ​ថា​ស្នេហា​មិន​ប្រកាន់​ឡើយ​ថា​ ស្គ​មឬធា​ត់ ល្អ​ឬ​អាក្រក់​សំខាន់ឱ្យ​តែ​គេ​ទាំងពីរ​ស្រឡាញ់គ្នា​ និង​យល់ចិត្ត​គ្នា​ទៅ​គឺ​បាន​ហើយ​ព្រោះ​ស្នេហា​ វា​គ្មាន​ហេតុផល​ ឬ​លក្ខខណ្ឌ​ទេ​។ ហើយ​ភាគច្រើន​នៅក្នុង​ទំនាក់ទំនង​ស្នេហា​មួយ​ចំ​នួន​របស់​មនុស្ស​ គេ​ក៏​សង្កេតឃើញថា ​មាន​គូស្នេហ៍​ខ្លះ​ បុរស​មាន​មាឌ​រាង​ស្គ​ម ​ហើយ​ចំ​ណែ​ក​ខាង​នារី​វិ​ញ​ ហាក់ដូចជា​ មាន​ព្រលឹង​ណាស់​។ ហើយ​បុរស​ស្គមៗ​ក៏​ចូលចិត្ត​នារី​ម៉ាប់​ណាស់ដែរ ​ព្រោះ​គាត់​អាច​នឹង​គិតថា​ គាត់​មិនសូវ​បាន​មាឌ​ចឹង​គឺ គាត់​តែង​គ្រឺត ​និង​ស្រឡាញ់​ខ្នាញ់​ចំ​ពោះ​នារីៗ​ ដែល​មាន​មាឌ​ម៉ាប់​មើលទៅ​ខ្ចូត​ និង​ម្ញ៉ិកម្ញ៉ក់​គួរ​ឱ្យ​ស្រឡាញ់​។ ​ប៉ុន្តែ​វា​ក៏​មិនមែន​គ្រប់​បុរស​ទាំងអស់​សុទ្ធតែ​ចូលចិត្ត​នារី​ត្រ​លុក​ទ្រ​លន់​ទាំងអស់​នោះ​ដែរ ​ព្រោះមនុស្ស​មាន​ចំ​ណង់​ចំ​ណូ​ល​ចិត្ត​ និង​ការស្រឡាញ់​ពេញចិត្ត​ខុសៗ​គ្នា​។ ​តែបើ​បុរស​ស្គមៗ​ស្រឡាញ់​នារី​ម៉ាប់ៗ​មើលទៅ​ក៏​គួរ​ឱ្យ​ស្រឡាញ់​ណាស់ដែរ ​ទៅ​ណា​មក​ណា​ គឺ​វា​យោង​គា្ន​ម្យ៉ាងដែ​រ ស្គម​គូរ ​និង​ធាត់ ​ហើយ​បើ​នារី​រាង​ឆ្នាស់​ប​ន្តិ​ច ​មើលទៅ​គូស្នេហ៍​មួយគូ​នេះ​កាន់តែ​ស្វី​ត​ និង​សម​គ្នា​ឥត​ទាស់៕ ​

]]>
Rose Online Magazine Sun, 15 Jan 2017 00:46:00 +0000 http://rosemag.net/1663 ស្នេហា-គ្រួសារ
ខ្ញុំ​នឹង​មិន​ស្រឡាញ់​បុរស​ណា ដែល​មិន​ឱ្យ​តម្លៃ​លើ​ផ្កាស្លា​ខ្ញុំ​នោះទេ!!! http://rosemag.net/1672 ភាពថ្លៃថ្នូរ​ និង​តម្លៃ​ស្នេហា​របស់​មនុស្ស​ស្រី​ដែល​នារីៗ​គ្រប់ៗ​រូប​ តែងតែ​ប្រាថ្នា​ចង់បាន​នោះ​គឺ ​ស្ថិតនៅលើ​ភាព​ជោគ​ជ័​យ​នៅក្នុង​ជីវិត​ស្នេហា​របស់​នាង​ គឺ​នាង​បាន​ក្រាប​ក្បាល​ដល់​ន្ទេ​ល​គោរ​ព​អ្នកមានគុណ ព្រម​ទាំង​សំឡេង​ភ្លេង​ការ ​និង​ចំ​ណង​ដៃ​នៃ​ផ្កាស្លា​ដ៏​មាន​ក្លិនក្រអូប​ដែល​មិនអាច​នឹង​មាន​ផ្កា​ឯណា​មក​ប្រដូច​បាន​នោះ​គឺ​ថ្ងៃ​ម​ង្គ​ល​ការ។ ​នៅក្នុង​ជីវិត​របស់​មនុស្ស​ស្រី​ នាង​ពិតជា​ត្រូវការ​ខ្លាំងណាស់​នូ​វ​សេចក្តីស្រឡាញ់​ ព្រោះ​មនុស្ស​ម្នាក់ៗ​ បើ​ខ្វះ​ក្តីស្រឡាញ់​ហើយ​នោះ​ នៅក្នុង​ជីវិត​នេះ​ពិតជា​គ្មាន​ក្តី​សុខ​នោះ​ទេ​។ ​ប៉ុន្តែ​ក្តីស្រឡាញ់​ដែលនាង​ប្រាថ្នា​នោះ​ គឺជា​ការស្រឡាញ់​មួយ​ដែល​កើតចេញពី​ចិត្ត​ និង​ឱ្យ​តម្លៃ​ដល់​កិ​ត្តិ​យស​របស់​នាង​នោះ​ គឺជា​ស្នេហា​មួយ​ដែល​មិន​រំ​លង​ប្រពៃណី​ ហើយ​នាង​នឹង​មិន​ស្រឡាញ់​បុរស​ណា​ដែល​មិន​ឱ្យ​តម្លៃ​ និង​ភាពថ្លៃថ្នូរ​ដល់​នាង​នោះ​ទេ​។​ ព្រោះ​ភាព​សំខាន់នៅ​ក្នុងជីវិត​មនុស្ស​ស្រី​នេះ​គឺ​ គ្មានអ្វី​ស្មើនឹង​តម្លៃ​នៃ​ផ្កាស្លា​ឡើយ នាង​ពិតជា​ស្រឡាញ់​ និង​គោរ​ព​នូ​វ​កិ​ត្តិយស​របស់អ្នក​ បើសិនជា​អ្នក​បាន​ផ្តល់​តម្លៃ​ឱ្យ​នាង ហើយ​មិនមែន​នារី​គ្រប់ៗ​រូប​សុទ្ធតែ​ចង់បាន​ការស្រឡាញ់​ពី​បុរស​សង្សារ ​ដោយ​គ្មាន​ប្រាថ្នា​ចង់​រៀបកា​រនោះ​ទេ។ ​ផ្កាស្លា​ជា​សក្ខីភាព​នៃ​សម្រស់​ស្នេហា​មួយ​ដែលមាន​ក្លិនពិដោរ​ក្រអូប​ស្ថិតស្ថេរ​ជា​អមតៈ​ និង​ជា​តម្លៃ​កិ​ត្តិ​យសរ​វាង​ស្នេហា​បុរស និង​ស្រី៕ ​

]]>
Rose Online Magazine Sun, 15 Jan 2017 00:42:00 +0000 http://rosemag.net/1672 ស្នេហា-គ្រួសារ
ឧស្សាហ៍​ឈឺក្បាល​បែប​ប្រកាំង​មែន​ទេ សាក​វិធី​ទាំងនេះ​សិន​ទៅ​មើល!!! http://rosemag.net/1666 ការឈឺ​ក្បាល​បែប​ប្រកាំ​ង មិនមែន​ជា​អ្វី​ដែល​មនុស្ស​យើង​ចង់បាន​នោះទេ ព្រោះ​វា​គឺជា​បញ្ហា​ដ៏​ធំ​មួយ​ដែល​ធ្វើឲ្យ​យើង​មិន​អាច​បំពេញ​ការងា​រ​ប្រចាំ​ថ្ងៃ​បាន ហើយ​ក៏​ផ្តល់​ភាពស្មុគស្មាញ​ច្រើន​ណាស់​ដែរ​ក្នុងពេល​វា​ធ្វើ​ទុក្ខ​ម្តងៗ​។ ប៉ុន្តែ​បើសិនជា​អ្នក​មិន​ចង់​ប្រើ​ថ្នាំ​បំបាត់​បញ្ហា​នេះ យក​ល្អ​គួរតែ​សាកល្បង​វិធី​ដូចខាងក្រោម​នេះ​សិន​ទៅ​៖ ​ផ្តល់​ភាព​ត្រជាក់​ ​ចូរ​ប្រើ​ថង់​ទឹកកក​ស្អំ​នៅ​ថ្ងាស ក្បាល ឬ​កញ្ចឹងក៏​ដើម្បី​បំបាត់​ការឈឺចាប់​។ អ្នកជំនាញ​មិន​បាន​ប្រាកដ​ច្បាស់​ថា វិធី​នេះ​មាន​ប្រសិទ្ធភាព​ឬ​អត់​ទេ ប៉ុន្តែ​ការកាត់បន្ថយ​លំហូរ​ឈាម​ដោយ​ប្រើការ​ស្អំ​ទឹកកក​បែប​នេះ​ប្រហែលជា​ផ្នែក​មួយ​ក្នុង​ការព្យាបាល​ដែរ​។ ​ ជាតិ​កាហ្វេ​អ៊ី​ន​ ​វា​គឺជា​ធាតុ​ផ្សំ​មួយ​ប្រភេទ​ក្នុង​កាហ្វេ និង​ក្នុង​ភេសជ្ជៈ ឬ​អាហារ​ផ្សេងៗ​ទៀត​ដែរ ប៉ុន្តែ​វា​អាច​ផ្តល់​ប្រសិទ្ធ​ផាព​បំបាត់​ការឈឺចាប់​បាន​ខ្លះ​ដែរ​។ ដូច្នេះ​បើ​សិន​ជា​អាច ចូរ​ញ៉ាំ​កាហ្វេ​ដើម្បី​ជួយ​បំបាត់​ការឈឺ​ក្បាល​ខ្លះ​ទៅ​។​ ​ បន្ទប់​ដែល​ងងឹត និង​ស្ងាត់​ ​ការ​ដែល​មាន​ពន្លឺ​ភ្លឺ​ខ្លាំង និង​សម្លេង​ឡូឡា​ច្រើន​អាច​ធ្វើឲ្យ​ការឈឺ​ក្បាល​កាន់តែ​ធ្ងន់ធ្ង​របាន​។ ដូច្នេះ​ចូរ​ធ្វើយ៉ាងណា​ឲ្យ​បន្ទប់​របស់​អ្នក​មាន​ពន្លឺ​តិចតួច និង​កាត់បន្ថយ​សម្លេង​ឲ្យបាន​ច្រើន​បំផុត​ដើម្បី​កុំឲ្យ​ឈឺ​ក្បាល​ថែមទៀត​។ វា​ក៏​អាច​ជួយ​បង្កើន​ការធូរស្រាល​វិញ​កាន់តែ​លឿន​ដែរ​។ ​ វីតាមីន B2 ​វីតាមីន​ប្រភេទ​នេះ​ត្រូវបាន​គេ​ស្គាល់ឈ្មោះ​ម្យ៉ាងទៀត​ថា Riboflavin ដែល​អ្នក​ទាំងអស់​គ្នា​អាច​រក​បាន​ក្នុង​ទឹកដោះគោ អាហារ​ធ្វើ​ពី​ទឹកដោះគោ ត្រី និង​សាច់មាន់​។ ការសិក្សា​បាន​បង្ហាញថា វា​ប្រហែលជា​អាចជួយ​បង្ការ​ការឈឺ​ក្បាល​បែប​ប្រកាំង​បាន​៕ ​​

]]>
Rose Online Magazine Sat, 14 Jan 2017 00:52:00 +0000 http://rosemag.net/1666 សុខភាព
មនុស្ស​ស្រី​ខឹង​យ៉ាងណា​ឱ្យ​តែ​សង្សារ​លួង​តែ​ប​ន្តិ​ច ក៏ចិត្ត​ទ​ន់​អាណិត​គេ​ភ្លាម​!!​! ហេតុអី? http://rosemag.net/1662 និស្ស័យ​មនុស្ស​ស្រី​ឆាប់​អន់ចិត្ត ឆាប់​ខឹង គិត​ច្រើន​ពេល​សង្សារ​ខ្លួន​ញ៉ែ​ស្រី​ផ្សេង មនុស្ស​ស្រី​គឺ​ បែប​នេះឯង នាង​ចង់ឱ្យ​សង្សារ​នាង​ស្រឡាញ់​នាង​តែ​ម្នាក់​គត់ នាង​មិន​ចង់​ចែក​រំលែក​ក្តី​ស្រឡាញ់​របស់​សង្សារ​នាង​ទៅ​នារីៗ ដែល​មាន​វ័យស្រ​ករនឹង​នាង​ក្នុង​ទំ​នាក់​ទំ​នង​ស្នេហា​នោះ​ទេ​។​ នាង​ឆាប់​ខឹង ឆាប់​អន់ចិត្ត​ព្រងើយកន្តើយ​ដាក់​សង្សារ​នាង​ភ្លាមៗ នោះ​គឺ​នាងមិន​ចង់ឱ្យ​ សង្សារ​នាង​ទា​ក់ទង​នឹង​ស្រី​ផ្សេង នាង​តែង​ស្រងូត​ត្រ​ងា​ត់ម្នាក់ឯង មិនសូវ​មើលមុខ​សង្សារ​នាង​ចំ​ទេនោះ ក៏​ព្រោះតែ​នាង​អន់ចិត្ត ហើយ​នាង​ចូលចិត្ត​នៅ​ម្នាក់ឯង​ ឬ​លួច​បង្ហូរទឹកភ្នែក​ដោយ​ស្ងាត់​ស្ងាត់ៗ នៅពេលដែល​សង្សារ​នាង​សួរ​សួរ នាង​តែង​ឆ្លើយថា​ អត់​អី​ទេ ពាក្យ​ថា​ អត់​អី​ទេ​មួយ​ម៉ាត់​នេះ​បុរសៗ​ត្រៀមខ្លួន​ឱ្យ​ហើយ​ទៅ​ គឺ​នាង​កំ​ពុង​តែ​អន់​ចិត្តនឹង​អ្នកខ្លាំង​ហើយ គឺ​នាង​ចង់ឱ្យ​សង្សារ​នាង​លួងលោម ចង់ឱ្យ​គេ​បកស្រាយ​ការពិត​ប្រាប់​នាង​ហើយ​បើសិនជា​សង្សារ​នាង​ចេះ​ផ្អែមល្ហែ​មនឹង​លួងលោម តាម​អង្វ​រនា​ង សារភាព​កំហុសឆ្គ​ង​តែ​ប​ន្តិ​ចនាង​ក៏​ទ​ន់​ចិត្ត​អាណិត​គេ​ភ្លាម ទោះជា​ខឹង ឬ​អន់ចិត្ត​នឹង​សង្សារ​នាង​ខ្លាំង​យ៉ាងណាក៏ដោយ​។ បេះដូង​មនុស្ស​ស្រី​គឺ​ ឆា​ប់ទ​ន់​ជ្រាយ​ណាស់​ឱ្យ​តែ​លឺ​ពាក្យលួងលោម​សម្តី​ផ្អែម​របស់​មនុស្ស​ប្រុស​ ហេតុ​នេះ​សូម​បុរសៗ​យល់​ដល់​ចិត្ត​សង្សារ​ខ្លះ​ផង បើ​នាង​មិន​ស្រឡាញ់​យើង​ខ្លាំង​នាង​ក៏​មិន​ខឹង មិន​ប្រចណ្ឌ មិន​អន់ចិត្ត​ដាក់​យើង​នោះទេ៕ ​

]]>
Rose Online Magazine Sat, 14 Jan 2017 00:42:00 +0000 http://rosemag.net/1662 ស្នេហា-គ្រួសារ
ការ​លេង​ជា​មួយ​កូន​តូច​អាយុ ១​ ទៅ ៤ ខែ http://rosemag.net/1661 ក្មេង​អាយុ ១ ទៅ ៤ ខែ កំពុង​តែ​ចាប់​អារម្មណ៍​នូវ​អ្វី​ដែល​ប្លែកៗ ជុំវិញ​ខ្លួន ដូច​ជា មុខ​អ្នក​ម្ដាយ, របស់​លេង​ពណ៌​ស្រស់​ឆើតឆាយ និង​សម្លេង​ផ្សេងៗ។ ដូចនេះ ការ​បីបម​ថ្នាក់ថ្នម និយាយ​រក ញញឹម​ដាក់ និង​លេង​ជា​មួយ​កូន អាច​ជួយ​អភិវឌ្ឍ​កូន ឲ្យ​ក្លាយ​ជា​ក្មេង​រហ័ស​រហួន ស្វាហាប់​បាន។ - បបួល​កូន​លេង ៖ ច្រើន​បទ​ភ្លេង​ឲ្យ​កូន​ស្ដាប់ ដោយ​ទះ​ដៃ​តាម​ចង្វាក់ ធ្វើ​ឲ្យ​កូន​ចូល​ចិត្ត ហើយ​ថែម​ទាំង​ជួយ​ឲ្យ​កូន​លូតលាស់​ផ្នែក​ភាសា​ចិត្ត​អារម្មណ៍ និង​ការ​ប្រាស្រ័យ​ទាក់ទង​ក្នុង​សង្គម​ផង​ដែរ។ - របស់​គួរ​លេង ៖ របស់​ដែល​អាច​ចល័ត​បាន មាន​ពណ៌​ស្រស់​ឆើត ដាក់​ព្យួរឲ្យ​កូន​តូច​មើល និង​ប្រដាប់​លេង ដែល​អាច​ច្របាច់ ឬ​ក្រឡុក​ទៅ​មាន​សម្លេង។ ទាំង​នេះ អាច​ជួយ​អភិវឌ្ឍ​សាច់​ដុំ​ដៃ ខួរក្បាល និង​ជួយ​ឲ្យ​កូន​រៀន​សូត្រ បែងចែក​ភាព​ខុស​ប្លែក នៃ​វត្ថុ​ជុំវិញ​ខ្លួន​បាន៕ ​

]]>
Rose Online Magazine Fri, 13 Jan 2017 09:35:00 +0000 http://rosemag.net/1661 ចំណេះដឹង
រកស៊ី​ដំបូង ត្រូវ​ប្រយ័ត្ន​ចំណុច​ទាំងនេះ ទើប​មិន​បរាជ័យ​ http://rosemag.net/1664  ​បើ​មិន​ហ៊ាន​ប្រថុយ ធ្វើ​ម៉េច​ទើប​ជោគជ័យ​? ប៉ុន្តែ​អ្នក​ត្រូវ​គិត​ឲ្យ​ច្បាស់លាស់ មុន​នឹង​ប្រថុយ ទើប​អ្នក​ជោគជ័យ​។​ ​ការចាប់ផ្តើម​របរ​រ​ក​ស៊ី​ក៏​ដូចគ្នា​ដែរ បើ​អ្នក​មិន​ចង់​បរាជ័យ​ទេ សូម​សិក្សា​នូវ​ចំណុច​សំខាន់​បី​ខាងក្រោម​នេះ ៖ ១. គំនិត​ ​អ្នក​ត្រូវ​មាន​គំនិត​ខ្លួនឯង ហើយ​ក៏​ត្រូវ​ពឹង​ទៅ​ជំនាញ សមត្ថភាព និង​ចំណង់​ចំណូលចិត្ត​របស់​អ្នក​ដែរ ថា​តើ​អ្នក​ពូកែ​អី ចង់​ធ្វើ​អី​? យ៉ាងណាមិញ ដាច់ខាត កុំ​រកស៊ី​តាម​ការ​ផ្អើល ឬ​ភាពជោគជ័យ​របស់​គេ​ឲ្យសោះ​។​ ២. សមត្ថភាព​ ​ចំណេះដឹង និង​សមត្ថភាព គឺជា​រឿង​សំខាន់បំផុត ហើយ​អ្នក​គួរ​សួរ​ខ្លួនឯង​ថា តើ​អ្នក​អាច​ធ្វើ​វា​បាន​ប៉ុណ្ណា​? ដើមទុន ក៏​ជា​រឿង​ចាំបាច់ ដែល​អ្នក​គួរ​គិតគូរ​ផង​ដែរ​។​ ៣. រក​អ្វី​ដែល​ប្លែក ប៉ុន្តែ ជា​តម្រូវការ​របស់​ម​នុស្ស​ ​អ្វី​ដែល​ប្លែក នឹង​ធ្វើឲ្យ​គេ​ចាប់អារម្មណ៍ ហើយ​ចង់​សាក​សេវាកម្ម​របស់​អ្នក ប៉ុន្តែ អ្នក​ក៏ត្រូវ​គិតថា ប្លែក គឺជា​ការច្នៃប្រឌិត ដែល​មនុស្ស​ភាគច្រើន នឹង​ទទួលយក​វា​បាន​៕ ​

]]>
Rose Online Magazine Fri, 13 Jan 2017 00:48:00 +0000 http://rosemag.net/1664 ចំណេះដឹង
មាន​មិត្ត​ភក្ដិ​ជា​អ្នក​មាន នឹង​ធ្វើ​ឲ្យ​អ្នក​មាន​អារម្មណ៍​ថា ខ្លួន​ឯង​ក្រ (គួរ​ដោះស្រាយ​បែប​ណា?) http://rosemag.net/1659 នៅ​ពេល​អ្នក​រៀន​នៅ​ថ្នាក់​បឋម​សិក្សា អ្នក​ទាំង​អស់​គ្នា​ប្រាកដ​ជា​មាន​មិត្ត​ច្រើន​ណាស់ តើ​ពិត​ទេ? ហើយ​បន្ទាប់​មក​ទៀត​គឺ​នៅ​ថ្នាក់​អនុវិទ្យាល័យ និង​វិទ្យាល័យ​ ក៏​មាន​មិត្ត​បន្ថែម​ទៀត។ បន្ត​មក​ដល់​ថ្នាក់​មហាវិទ្យាល័យ មិត្ត​ទាំង​អស់​កាល​ពី​មុន​នឹង​បែក​គ្នា​ស្ទើរ​តែ​អស់។ ប៉ុន្តែ​អ្នក​ក៏​បាន​រាប់​អាន​មិត្ត​ភ័ក្ដ​ថ្មីៗ​បន្ថែម​ទៀត​ដែរ នៅ​ពេល​រៀន​មហាវិទ្យាល័យ​ជា​មួយ​គ្នា។ មិត្ត​ភក្ដិ​ទាំង​អស់ មិន​ដូច​គ្នា​ទេ មាន​អ្នក​ខ្លះ​មាន អ្នក​ខ្លះ​ទៀត​ជា​អ្នក​ក្រ។ តែ​ទោះ​ជា​យ៉ាង​ណា មិត្ត​ភាព​មិន​បាន​គិត​ពី​មាន ឬ​ក្រ​ឡើយ។ ប៉ុន្តែ​នៅ​ពេល​ដែល​អ្នក​រាប់​អាន​ជា​មួយ​នឹង​មិត្ត​ភក្ដិ​ដែល​មាន​ជាង​ខ្លួន នោះ​នឹង​ធ្វើ​ឲ្យ​ខ្លួន​កើត​អារម្មណ៍​មួយ​យល់​ថា ខ្លួន​ឯង​ពិត​ជា​ក្រ។ អ្នក​អាច​ដោះ​ស្រាយ​ពី​ទស្សនៈ​ដែល​យល់​ឃើញ​បែប​នេះ​បាន។ ១. ញុំា​អាហារ​ជា​មួយ​គ្នា ដោយ​មិន​ចាំ​បាច់​ចូល​ហាង​ណា​ដែល​មាន​តម្លៃ​ថ្លៃ​ពេក​ទេ។ ២. កុំ​ប្រៀប​ធៀប​ខ្លួន​ឯង​ទៅ​នឹង​គេ​អី ទោះ​បី​ជា​ប្រៀប​ធៀប​ផ្នែក​ទ្រព្យ​សម្បត្តិ ឬ​ឋានៈ​ក៏​ដោយ។ ៣. បង្កើន​ភាព​ស្និទ្ធស្នាល​ជា​មួយ​គ្នា។ ៤. លេង​សើច​ជា​មួយ​គេ​ឲ្យ​បាន​ច្រើន។ ៥. មនុស្ស​យើង ជា​ធម្មតា​តែង​មាន​ចំណុច​ខ្លះ​ខុសៗ​គ្នា ទ្រព្យ​សម្បត្តិ​របស់​អ្នក​អាច​ចាញ់​គេ តែ​ការ​រស់​នៅ​ប្រកប​ដោយ​ភាព​កក់​ក្ដៅ និង​សុភមង្គល មិន​ប្រាកដ​ថា​អ្នក​ចាញ់​គេ​នោះ​ទេ។ ​

]]>
Rose Online Magazine Thu, 12 Jan 2017 04:07:00 +0000 http://rosemag.net/1659 ចំណេះដឹង
អ្នក​ដែល​ស្រឡាញ់ និង​ចូល​ចិត្ត​សត្វ​ឆ្មា ជា​មនុស្ស​បែប​ណា? http://rosemag.net/1658 តាម​រយៈ​ការ​ទស្សទាយ​និស្ស័យ​របស់​មនុស្ស​តាម​ចំណង់​ចំណូល​ចិត្ត​នៃ​ការ​ស្រឡាញ់​សត្វ​បាន​ឲ្យ​ដឹង​ថា ៖ ជំពូក​មនុស្ស​ដែល​ចូល​ចិត្ត​សត្វ​ឆ្មា គឺ​ជា​មនុស្ស​ដែល​មាន​ភាព​ប៉ិន​ប្រសប់​ ស្អាត​បាត និង​មាន​សណ្ដាប់​ធ្នាប់​ល្អ។ អ្នក​មិន​ចូលចិត្ត​ដាក់​សម្ពាធ ដើម្បី​ធ្វើ​អ្វី​មួយ ហើយ​ក៏​មិន​ចង់​ធ្វើ​អ្វី​មួយ​ដោយ​គ្រាន់​តែ អ្នក​រំពឹង​គិត​ថា នឹង​ធ្វើ​នោះ​ដែរ។ អ្នក​មិន​ចូល​ចិត្ត​ការ​រស់​នៅ​ដោយ​ក្រិតក្រម​នោះ​ទេ អ្នក​ចូល​ចិត្ត​រៀប​ចំ​ធ្វើ​អ្វីៗ​ដោយ​ខ្លួន​ឯង​ជាង។ ប្រសិន​បើ​អ្នក​មាន​ការ​ចាប់​អារម្មណ៍​ក្នុង​រឿង​ណា​មួយ អ្នក​នឹង​ស្វែង​រក​វា ដោយ​សារ​តែ​អ្នក​ចង់​ដឹង មិន​មែន​ដោយ​សារ​នរណា​ម្នាក់​ប្រាប់​ឲ្យ​អ្នក​ធ្វើ​នោះ​ទេ៕ ​

]]>
Rose Online Magazine Wed, 11 Jan 2017 01:05:00 +0000 http://rosemag.net/1658 ចំណេះដឹង
ទោះស្រឡាញ់​បងដល់​ស្លាប់​ ក៏​គ្មាន​ថ្ងៃ​ទៅ​ដណ្តើម​បង​ពី​គេ​ដែរ!!! http://rosemag.net/1660 ​ឱកាស​ដែល​យើង​ជួបគ្នា​តែ​ជា​ពេលវេលា​មួយ​ដែល​បង​មាន​គេ​រួចទៅហើយ តើ​អូន​ត្រូវធ្វើ​​ដូច​ម្តេចទៅ​?​ ចម្លើយ​ដ៏​សក្តិសម​សម្រាប់​អូន​នោះ​គឺ ​វាគ្មាន​ផ្លូវ​ទេ​។ ​ពេល​ខ្លះ​ខំ​ហាម​បេះ​ដូង​កុំ​ឱ្យ​នឹក​បង ទោះបី​ខំ​ប​ន្លំ​ធ្វើ​អ្វី​ ដើម្បី​កុំ​ឱ្យ​នឹក​តែ​បេះ​ដូង​នៅតែ​ចចេស​មិន​ព្រម​ស្តាប់​។​ អូន​ដឹងថា​ បង​មិនអាច​មក​ស្រឡាញ់​អូន​បានទេ តែ​អូន​ក៏​មិនអាច​ប​ង្ខំ​ខ្លួនឯង​ឱ្យ​ដើរចេញ​បានដែរ ពេល​ខ្លះ​អូន​លួច​យំ​ម្នាក់ឯង ហើយ​ពេល​នោះ​គឺជា​វេ​លាដែល​អូន​ឯកា​បំ​ផុត​។ ដឹងថា​គ្មាន​ថ្ងៃ​ដែល​អូន​បាន​គ្រង​បេះដូង​បងឡើយ តែ​ចិត្ត​អូន​នៅតែ​រឹង​នៅតែ​មានះ​ ទាំង​ដែល​ដឹងថា​បេះដូង​បងមាន​គេ​រួចទៅហើយ តែ​ទោះជា​យ៉ាងណាក៏​ដោយ​អូន​ក៏​មិន​ដែល​ទៅ​រំ​ខាន​បង​នឹង​គេ​ឡើយ សុខចិត្ត​គ្រាំគ្រា​តែម្នាក់ឯង​។ ​មាន​អារម្មណ៍​ថា ​ខ្លួនឯង​ឯកា​ណាស់ តែ​បង​ប្រហែលជា​រីករាយ​ជាមួយ​គេ​ហើយ​មែន​ទេ​?​ តែ​សម្រាប់​អូន​ គឺ​ពេល​នេះ​មិន​ខុសពី​បុប្ផា​ដែល​ខ្វះ​ម្ចាស់​សួន​ស្រោច​ទឹក​ថ្នម​ថែ​នោះ​ទេ តែ​អត់​អី​ទេ​ ព្រោះ​អូន​មកដល់​ក្រោយ​គេ បង​កុំ​ព្រួយ​ខ្លាច​គេ​យល់​ច្រ​ឡំ អូន​មិន​ធ្វើឱ្យ​បង​លំបាក​ទេ ទោះជា​ស្រឡាញ់​បង​យ៉ាងណា​ក៏​អូន​គ្មាន​ផ្លូវ​ដណ្តើម​បង​ពី​គេ​ដែរ បង​ចាំ​ទុក​ណា​នារី​ម្នាក់​នេះ​ស្រឡាញ់​បង តែ​ក៏​មិន​ចង់បាន​បង​មក​ដោយ​ការ ដណ្តើម​ពី​ន​រណា​នោះដែរ ព្រោះ​អូន​មិន​ត្រូវការ​របស់​អ្នកដទៃ​នោះទេ៕ ​

]]>
Rose Online Magazine Tue, 10 Jan 2017 01:59:00 +0000 http://rosemag.net/1660 ស្នេហា-គ្រួសារ
កូន​ប្រុស​រៀន​តុប​តែង​ខ្លួន និង​ត្រាប់​តាម​ម្ដាយ តើ​ថ្ងៃ​ក្រោយ​អាច​ក្លាយ​ជា​ភេទ​ទី៣​ ទេ? http://rosemag.net/1657 ជា​ធម្មជាតិ​របស់​កុមារ​វ័យ​រៀន​មត្តេយ្យ គឺ​ជា​វ័យ​ដែល​ចូល​ចិត្ត​រៀន​ធ្វើ​ត្រាប់​តាម​អ្នក​នៅ​ក្បែរ​ខ្លួន​របស់​គេ។ ហេតុ​ដូច្នេះ​ការ​រៀប​ចំ​បរិស្ថាន​ឲ្យ​កុមារ​បាន​ឈ្វែង​យល់ គឺ​ជា​កត្តា​សំខាន់។ ជាង​នេះ​ទៅ​ទៀត វ័យ​នេះ​គេ​មិន​ទាន់​អាច​បែង​ចែក​បាន​រវាង​ភេទ​ប្រុស ឬ​ក៏​ស្រី​បាន​ច្បាស់​លាស់ នៅ​ឡើយ​ទេ ដូច្នេះ​នៅ​ពេល​គេ​ស្ថិត​នៅ​ក្បែរ​នរណា​ម្នាក់​ច្រើន​ជាង គេ​នឹង​ធ្វើ​ត្រាប់​តាម​អ្នក​នោះ។ ជាង​នេះ​ទៅ​ទៀត បច្ចុប្បន្ន​នេះ ដោយ​សារ​ឪពុក​ជា​មេគ្រួសារ​ត្រូវ​ចាក​ចេញ​ពី​ផ្ទះ ពុំ​មាន​ពេល​វេលា​បាន​នៅ​ក្បែរ​កូន ក៏​អាច​ជា​មូល​ហេតុ​ឲ្យ​គេ​ធ្វើ​ត្រាប់​តាម​អ្នក​ជា​ម្ដាយ​ក៏​ថា​បាន។ សកម្ម​ភាព​កូន​រៀន​ធ្វើ​ត្រាប់​ពី​ការ​តុប​តែង​ខ្លួន​របស់​ម្ដាយ​អាច​គ្រាន់​តែ​ចង់​ដឹង ​ចង់​ឃើញ​របស់​វ័យ​កុមារ ដូច្នេះ​ឪពុកម្ដាយ​មិន​គួរ​បារម្ភ​រឿង​នេះ​ពេក​នោះ​ទេ ហើយ​ក៏​មិន​គួរ​ធ្វើ​ការ​ស្ដី​បន្ទោស តែ​អ្វី​ដែល​គួរ​ធ្វើ គឺ​ប្រើ​វិធី​បង្វែរ​ចំណាប់​អារម្មណ៍​ឲ្យ​កូន​ធ្វើ​កិច្ចការ​ដទៃ​ជំនួស​វិញ៕  ​

]]>
Rose Online Magazine Mon, 09 Jan 2017 01:08:00 +0000 http://rosemag.net/1657 ចំណេះដឹង
ទឹក​អប់​សុទ្ធ ឬ​មិន​សុទ្ធ ត្រូវ​តែ​មាន​ពណ៌​បែប​នេះ!!! http://rosemag.net/1656 ចំណុច​នេះ​សំខាន់​ណាស់ សម្រាប់​អ្នក​និយម​ប្រើ​ទឹក​អប់​បាញ់​នៅ​លើ​រាង​កាយ ដែល​គួរ​តែ​ធ្វើ​ការ​ចង​ចាំ​ទុក។ ទឹក​អប់​ជា​ធម្មតា​វា​មាន​ពណ៌​លឿង​លាយ​ខ្ចី។ ប្រព័ន្ធ​ផលិត​ទឹក​អប់ គឺ​ត្រូវ​ការ​ឆ្លង​កាត់​ប្រព័ន្ធ​ចម្រាញ់​ជាតិ​ប្រេង​ក្រអូប​ផ្សេងៗ ដែល​មាន​នៅ​ក្នុង​ធម្មជាតិ​មក​ធ្វើ​ជា​មេទឹក​អប់​ដំបូង​គេ​បង្អស់។ បើ​តាម​ធម្មជាតិ​មេទឹក​អប់​ដែល​គេ​ចម្រាប់​បាន​នេះ នឹង​មាន​ពណ៌​លឿង។ បន្ទាប់​មក​គេ​យក​ទឹក​អប់​នេះ​ទៅ​លាយ​ជា​មួយ​នឹង​អាល់​កុល ដើម្បី​ឲ្យ​ក្លាយ​ទៅ​ជា​មេទឹក​អប់​ទូទៅ​តែ​ម្ដង។ ក្នុង​ពេល​លាយ​នេះ​ឯង គេ​បាន​កំណត់​កម្រិត​កំហាប់ ដើម្បី​ជា​ការ​ចាត់​លំដាប់​លេខ​រៀង​នៃ​គុណ​ភាព​ទឹក​អប់។ ប្រភេទ​ទឹក​អប់​ដែល​អាច​ចាត់​ទុក​ថា មាន​គុណភាព​ល្អ​នោះ​នៅ​តែ​រក្សា​បាន​នូវ​ពណ៌​លឿង​ខ្ចី​ដូច​ដើម​ដដែល។ ដោយ​ឡែក​សម្រាប់​ទឹក​អប់​ផ្សេងៗ​ដែល​យើង​មើល​ឃើញ​មាន​ពណ៌​ចម្រុះ​យ៉ាង​ស្រស់​ស្អាត​នោះ គឺ​កើត​ចេញ​ពី​ការ​តុប​តែង​ថែម​ពណ៌​លម្អ ដើម្បី​ជា​ការ​ទាក់ទាញ​តាម​យុទ្ធសាស្ត្រ​នៅ​លើ​ទីផ្សារ​តែ​ប៉ុណ្ណោះ៕  ​

]]>
Rose Online Magazine Mon, 09 Jan 2017 01:07:00 +0000 http://rosemag.net/1656 ចំណេះដឹង
ផ្លែ​ត្របែក​ អាច​ជួយ​ធ្វើ​ឲ្យ​ស្បែក​មុខ​ឡើង​ក្រហម​រលោង​ស្អាត​គួរ​ឲ្យ​ចង់​ស្ទាប​អង្អែល http://rosemag.net/1655 ស្បែក​មុខ​ឡើង​ពណ៌​ក្រហម​ព្រឿងៗ​ដូច​ជា​សំបក​ផ្លែ​ទន្លាប់ នរណាៗ​ក៏​ប្រាថ្នា​ចង់​បាន​ដែរ តែ​ប្រសិន​បើ​អ្នក​ចង់​បាន​ស្បែក​មុខ​ស្រស់​ស្អាត​បែប​នេះ គ្មាន​អ្វី​គួរ​ឲ្យ​ពិបាក​នោះ​ទេ ដោយ​គ្រាន់​តែ​ព្យាយាម​ប្រើ​វត្ថុ​ធាតុ​ដើម​ពី​ធម្មជាតិ​មិន​ភ័យ​ខ្លាច​សារ​ធាតុ​គីមី មិន​ចំណាយ​ប្រាក់​ច្រើន មិន​ខាត​បង់​ពេល​វេលា​ទៀត​ផង។ ដំបូង​ត្រៀម​ផ្លែ​ត្របែក​នៅ​ស្រស់១​ផ្លែ រួច​យក​វា​ទៅ​លាង​ទឹក​ឲ្យ​ស្អាត និង​ខ្វះ​គ្រាប់​ចេញ​ឲ្យ​អស់។ បន្ទាប់​មក​យក​ផ្លែ​ត្របែក​នោះ​ទៅ​ចិញ្ច្រាំ​ឲ្យ​ម៉ដ្ឋ ទើប​ប្រើ​វា​មក​បិទ​បំពោក​នៅ​លើ​ស្បែក​មុខ​របស់​អ្នក​ឲ្យ​សព្វ​ទុក​ចោល​រយៈ​ពេល ២០នាទី។ បន្ទាប់​មក​ទៀត​ឲ្យ​ប្រើ​ទឹក​ក្ដៅ​ឧណ្ហៗ​លាង​ជម្រះ​តាម​ក្រោយ​ទុក​ជា​ការ​ស្រេច​ដើម្បី​ឲ្យ​ឃើញ​លទ្ធផល អ្នក​គួរ​ព្យាយាម​ធ្វើ​តាម​រូប​មន្ត​ខាង​លើ​នេះ​ឲ្យ​បាន​ខ្ជាប់​ខ្ជួន​រយៈពេល ៤ ទៅ ៥ សប្ដាហ៍ នោះ​អ្នក​នឹង​ចម្លែក​ចិត្ត និង​ស្បែក​មុខ​ប្រែ​សភាព​ទៅ​ជា​ពណ៌​ក្រហម​ព្រឿងៗ ដូច​ធម្មជាតិ​គួរ​ឲ្យ​ចង់​ស្ទាប​អង្អែល​ជា​មិន​ខាន៕ ​

]]>
Rose Online Magazine Mon, 09 Jan 2017 01:02:00 +0000 http://rosemag.net/1655 ចំណេះដឹង
៣ ចំណុច​សំខាន់ៗ ដើម្បី​ការ​ពារ​កុំ​ឲ្យ​ចោរ​ចូល​ផ្ទះ http://rosemag.net/1653 ក្នុង​ពេល​សព្វ​ថ្ងៃ​នេះ នៅ​ទូទាំង​ពិភពលោក ប្រទេស​ណា​ក៏​ដូច​ជា​ប្រទេស​ណា​ដែរ បញ្ហា​ចោរ​កម្ម គឺ​ជា​រឿង​ចៀស​មិន​ផុត។ ដូច្នេះ​យើង​គ្រប់​គ្នា គួរ​មាន​វិធី​ការ​ការពារ​ខ្លួន​ដូច​ខាង​ក្រោម​នេះ។ ១. ចំពោះ​ចោរ មិន​មែន​ចេះ​តែ​ចូល​លួច​គ្រប់​ផ្ទះ​នោះ​ទេ វា​មើល​ឱកាស​ល្អ និង​ផ្ទះ​ណា​ដែល​ងាយ​​ចេញចូល ឬ​ពេល​ម្ចាស់​ផ្ទះ​មិន​នៅ។ ដូច្នេះ​ដើម្បី​ការពារ​មិន​ឲ្យ​ចោរ​ចូល ម្ចាស់​ផ្ទះ​គួរ​ធ្វើ​យ៉ាង​ណា​ឲ្យ​មើល​ទៅ​ពិបាក​ចូល ឬ​ធ្វើ​ដូច​ជា មាន​មនុស្ស​នៅ​ផ្ទះ (ករណី​ដែល​ខ្លួន​មិន​នៅ​ផ្ទះ) ដូច​ជា ពេល​យប់ អ្នក​អាច​បើ​វិទ្យុ ឬ​ទូរទស្សន៍​ចោល បើក​ភ្លើង​ខាង​ក្រៅ​ផ្ទះ​ឲ្យ​ភ្លឺ ព្រលែង​ឆ្កែ ដើម្បី​ផ្ដល់​ដំណឹង​ដល់​ម្ចាស់ ឬ​ប្រើ​សម្លេង​រោទិ៍​បិទទ្វារ​បង្អួច ឲ្យ​បាន​ជិត​ទាំង​អស់ ជា​ពិសេស​ជាន់​ខាង​លើ ដែល​ម្ចាស់​តែង​ប្រហែស​មិន​ចាក់​សោរ។ ២. ចូរ​ប្រយ័ត្ន​ដើម​ឈើ ឬ​សួន​នៅ​ជុំវិញ​ផ្ទះ វា​អាច​ជា​កន្លែង​សម្រាប់​ចោរ​លាក់​​ខ្លួន​បាន និង​គួរ​ចៀសវាង​ដើម​ឈើ​ខ្ពស់​បាំង​ទ្វារ​បង្អួច។ ៣. ចោរ​មួយ​ចំនួន​ច្រើន​ឆ្លៀត​ឱកាស​ចូល​លួច​នៅ​ថ្ងៃ​បុណ្យ​ទាន ថ្ងៃ​ឈប់​សម្រាក... ជា​ដើម ។ល។ ម្ចាស់​ផ្ទះ​គួរ​តែ​បំពាក់​កាមេរ៉ា​សុវត្ថិភាព ដែល​វា​ជា​ចំណែក​មួយ​ធ្វើ​ឲ្យ​ចោរ​ខ្លាច​ញញើត​ផង​ដែរ៕  ​

]]>
Rose Online Magazine Sat, 07 Jan 2017 03:03:00 +0000 http://rosemag.net/1653 ចំណេះដឹង
វិធី​កម្ចាត់​ក្លិន ​ក្នុង​កាបូប​ដែល​ទើប​នឹង​ទិញ http://rosemag.net/1652 តាម​ធម្មតា​ របស់​ប្រើប្រាស់​ដែល​ទើប​នឹង​ទិញ​យក​មក​ថ្មីថ្មោង​រមែង​បន្សល់​ទុក​ក្លិន​ម្យ៉ាង​ ផ្ទាល់​ខ្លួន​របស់​ពួក​វា ហើយ​ក៏​ជា​ក្លិន​ដែល​មិន​គួរ​នឹង​ចង់​ស្រូប​យក​នោះ​ដែរ។ បញ្ហា​នេះ​ច្រើន​កើត​មាន​ទៅ​លើ​កាបូប​ស្ពាយ ឬ​កាបូប​យួរ​ ដែល​ផលិត​ចេញ​ពី​ស្បែក ឬ​ក៏​ប្លាស្ទិក ក៏​ប៉ុន្តែ​ប្រសិន​បើ​លោក​អ្នក​ជួប​នឹង​បញ្ហា​នេះ មិន​បាច់​ព្រួយ​បារម្ភ​នោះ​ឡើយ ងាកមក​សាក​ល្បង​ជា​មួយ​នឹង​វិធី​ណែនាំ​យ៉ាង​ងាយៗ​ដូច​ខាង​ក្រោម​នេះ។ លោក​អ្នក​ត្រូវ​យក​កំណាត់​ស​ស្អាត​មួយ​ផ្ទាំង មក​វេច​ខ្ចប់​ស្លឹក​តែ រួច​ហើយ​ញាត់​ចូល​ទៅ​ក្នុង​កាបូប​ថ្មី​នោះ​ជា​ការ​ស្រេច ព្រោះ​ថា នៅ​ក្នុង​ស្លឹក​តែ វា​នឹង​មាន​សារ​ជាតិម្យ៉ាង​អាច​ស្រូប​យក​ក្លិន​ផ្ដុះ​ស្អុយ​ពី​សារ​ជាតិ​ស្បែក និង​ប្លាស្ទិក​បាន​យ៉ាង​ងាយ​បំផុត។ សង្ឃឹម​ថា គន្លឹះ​ដ៏​ខ្លី​មួយ​នេះ អាច​ជួយ​អ្នក​ទាំង​អស់​គ្នា​បាន។ ចាំ​ជួប​គ្នា​ក្នុង​គន្លឹះ​សំខាន់ៗ​នាពេល​ក្រោយ​ទៀត៕ ​

]]>
Rose Online Magazine Sat, 07 Jan 2017 03:01:00 +0000 http://rosemag.net/1652 ចំណេះដឹង
តិច​និក​រក្សា​គ្រឿង​រុក្ខជាតិ​ឲ្យ​បាន​យូរ http://rosemag.net/1651 ស្ត្រី​មេផ្ទះ​មួយ​ចំនួន​ដែល​ទិញ​គ្រឿង​ទេស​រុក្ខជាតិ ដូច​ជា ស្លឹក​ជីរ​នាង​វង ស្លឹក​ម្រះ​ព្រៅ និង​ម្ទេស​យក​មក​ដាំ​ស្ល ហើយ​នៅ​សល់​នោះ សូម​កុំ​បោះ​វា​ចោល គួរ​តែ​យក​ទៅ​កាត់​ជា​កង់ៗ​ឲ្យ​ស្មើ រួច​ហាល​ក្នុង​កញ្ច្រែង ដើម្បី​ឲ្យ​ខ្យល់​អាកាស​ចេញ​ចូល​បាន​ល្អ។ ជា​ពិសេស​អ្នក​ត្រូវ​ឧស្សាហ៍ ត្រឡប់​វា ដើម្បី​ឲ្យ​វា​ស្ងួត​ស្មើៗ​គ្នា​ល្អ។ ហេតុ​ផល គឺ​ព្រោះ​តែ​គ្រឿង​ទេស​រុក្ខជាតិ ដែល​ហាល​ស្ងួត​ហើយ​នោះ វា​មាន​ក្លិន​ឆួល​ខ្លាំង​ជាង​នៅ​ស្រស់ ហើយ​វា​ក៏​ជា​វិធី​មួយ​ដែល​ជួយ​រក្សា​សន្សំ​សំចៃ​ទុក​ឲ្យ​អ្នក​ប្រើ​បាន​យូរ​ទៀត​ផង។ * សម្រាប់​វិធី​សាស្ត្រ​មួយ​ទៀត ដើម្បី​រក្សា​ប្រើ​បាន​យូរ​នោះ គឺ​ដាក់​ប្រអប់​ប្លាស្ទិក​ដែល​ស្ងួត​ល្អ ទុក​ក្នុង​ទូទឹកកក ប៉ុន្តែ​ត្រូវ​ប្រាកដ​ចិត្ត​ថា គ្រឿង​ទេស​រុក្ខជាតិ​ទាំង​នោះ មិន​ដក់​ទឹក​ផង​ដែរ៕   

]]>
Rose Online Magazine Sat, 07 Jan 2017 02:52:00 +0000 http://rosemag.net/1651 ចំណេះដឹង
ក្រូច​ពោធិ៍សាត់ ​ជួយ​ព្យាបាល​រោគ​មហារីក http://rosemag.net/1650 កាល​ពី​ពេល​កន្លង​ទៅ ប្រទេស​អូស្ត្រាលី បាន​រក​ឃើញ​ថា ការ​ទទួល​ទាន​ក្រូច​ពោធិ៍​សាត់​អាច​ជួយ​កាត់​បន្ថយ​ការ​ប្រ​ឈម​នឹង​រោគ​មហារីក ក្នុង​ប្រអប់​មាត់ បំពង់.ក និង​ក្រពះ​អាហារ​បាន​រហូត​ដល់ ៥០ភាគរយ​ឯណោះ។ ក្រៅ​ពី​នេះ វា​ថែម​ទាំង​ជួយ​កាត់​បន្ថយ អាការ​ប្រឈម​ទៅ​នឹងការ​ងងឹត​មុខ កើត​ខ្យល់​គ ដល់​ទៅ ១៩ ភាគ​រយ​ផង​ដែរ​នោះ។ នៅ​ក្នុង​ផ្លែ​ក្រូច​ពោធិ៍សាត់​មាន​សារ​ជាតិ​ទប់​ស្កាត់​ពពួក​អង់​ទីអុកស៊ីដេន បាន​យ៉ាង​មាន​ប្រសិទ្ធភាព​បំផុត ហើយ​ថែម​ទាំង​មាន​សារ​ជាតិ​គីមី​ដល់​ទៅ ១៧០ ប្រភេទ​ទៀត​ផង។ សារ​ជាតិ​អស់​ទាំង​នេះ វា​ជួយ​បង្កើត​ភាព​រឹងមាំ ដល់​ប្រព័ន្ធ​ការពារ​រាងកាយ ហើយ​ថែម​ទាំង​ទប់​ស្កាត់​ការ​រីកធំធាត់​នៃ​សាច់​ដុំ​មហារីក ទប់​ស្កាត់​ការ​ក​គ្រាប់​ឈាម កាត់​បន្ថយ​ភាព​ប្រឈម​នឹង​រោគ​ដែល​ពាក់ព័ន្ធ​នឹង​សរសៃ​ឈាម​រត់​ទៅ​ចិញ្ចឹម​បេះដូង រោគ​ធាត់ និង​រោគ​ទឹក​នោម​ផ្អែម។ ប្រសិន​បើ​លោក​អ្នក​ព្យាយាម​ទទួល​ទាន​ក្រូច​ពោធិ៍សាត់​បាន​ជាប់​រាល់​ថ្ងៃ ក្រៅ​ពី​ជួយ​ថែ​បំប៉ន​ឲ្យ​សុខភាព​រាងកាយ​មាំមួន​ហើយ​នោះ វា​ថែម​ទាំង​ហុច​ផល​ល្អ​ដល់​សុខភាព​ចិត្ត និង​សុខភាព​ស្បែក​បាន​ទៀត​ផង៕ ​

]]>
Rose Online Magazine Fri, 06 Jan 2017 08:44:00 +0000 http://rosemag.net/1650 សុខភាព
បដិសេធ​គេ​គ្រប់​គ្នា​ដើម្បី​បង តែ​បង​បាន​ត្រឹម​ធ្វើឱ្យ​អូន​ខកចិត្ត​ http://rosemag.net/1654 ​មាន​បុរស​ជាច្រើន​ណាស់ ​ដែល​គេ​តាម​ស្រឡាញ់ តាម​សុំ​ស្នេហ៍​អូន តាម​សារភាព​ស្នេហ៍​អូន​។ ​តែ​បេះដូង​មួយនេះ​ វា​រឹង​ដូចជា​គល់ឈើ​មិនអាច​ទទួល​យក​ការស្រឡាញ់​ពី​ន​រណា​បាន​ទាំងអស់​ក្រៅពី​បង​។ ​អូន​ដឹងថា ​អូន​មិនមែនជា​ស្រី​ស្អាត​ទេ តែ​អូន​អាច​ចូល​គេ​ចុះ​ ហើយ​អូនក៏​មិន​ខ្វះ​ប្រុស​តាម​ស្រឡាញ់​ដែរ តែ​អ្វីដែល​សំខាន់គឺ​ អូន​មិន​បាន​ស្រឡាញ់​គេ ព្រោះ​មនុស្ស​អូន​ស្នេហ៍​ គឺ​មាន​តែ​បង​ម្នាក់​គត់​។ ​ទោះជា​បុរស​ទាំង​នោះ​ គេ​ល្អ​ប៉ុណ្ណា​ ក៏​អូន​គិតថា ​គេ​មិនអាច​ប្រៀ​ប​ស្មើ​បង​បាន​ដែរ ​តែ​ផ្ទុយ​ទៅ​វិ​ញ​ បង​បែរជា​អន់​ជាងគេ​បំ​ផុត​។ ពេល​មាន​អូន​ម្តេច​បង​មិន​ចេះ​ថែរក្សា ឬ​មួយ​អារម្មណ៍​បង​ចាត់ទុក​អូន​ត្រឹមតែ​ជា​មនុស្ស​កំដរ បង​សប្បាយ​តែម្នាក់ឯង ឯ​ទឹកភ្នែក​ទុកឱ្យ​អូន​ជា​អ្នក​រែក​ពន់ អូន​ខុស​ធ្ងន់​ណាស់ ដែល​គិតថា​ អាច​ផ្ញើ​វាសនា​លើ​បង​បាន​ហើយ​អូន​ពិតជា​អាត្មា​និ​យម​ណាស់​ចំ​ពោះ​មនុស្ស​ដែល​គេ​សុំ​ស្រឡាញ់​អូន​ តែ​អូន​បែរជា​បដិសេធ​គេ​ ទៅ​វិ​ញ​មិន​ព្រម​ផ្តល់ឱកាស​ឱ្យ​គេ​សោះ តើ​អូន​ធ្វើ​បែប​នេះ​ដើម្បី​នរណា​ទៅ​? នោះ​គឺ​អូន​ធ្វើ​ ដើម្បី​តែ​បង​ម្នាក់​គត់​។ ​អូន​ពិតជា​ខកចិត្ត​ខ្លាំងណាស់​សម្រាប់​ការ​ប្តេជ្ញាចិត្ត លះបង់​បែប​នេះ​សម្រាប់​មនុស្ស​ដូចជា​បង តែ​ឈប់​ខ្វល់​ទៀត​ទៅ អូន​ទៅហើយ ហើយ​មិនបាច់​ស្រ​ណោះ​ដុំថ្ម​មួយ​ដុំ​នេះ​ទេ សូម​បង​ទៅរក​ពេជ្រ​ណា​ដែល​គេ​មាន​ព​ន្លឺ​ចែងចាំងស​ម្រាប់ជីវិត​បង​ចុះ អូន​អស់​ការ​ទ្រាំ​ទៀតហើយ​។ ​

]]>
Rose Online Magazine Fri, 06 Jan 2017 03:38:00 +0000 http://rosemag.net/1654 ស្នេហា-គ្រួសារ
​មុន​ចូលឆ្នាំ​ចិន មាន​រឿង​មួយ​ចំនួន​ដែល​ឆ្នាំ​ទាំង​ ១២ ​គួរតែ​ប្រយ័ត្ន​ http://rosemag.net/1649 ​ចុង​ខែ​នេះ ជា​ថ្ងៃ​នៃ​ចូលឆ្នាំ​ចិន​ហើយ​។ ដូចនេះ​មុន​ចុង​ខែ​នេះ ឆ្នាំ​ទាំង​១២​គួរតែ​ប្រយ័ត្ន​ពី​រឿង​មួយចំនួន​។ តើ​គួរតែ​ប្រយ័ត្ន​ពីអ្វី​ទៅ​? - ​ឆ្នាំ​ជូត គួរតែ​ប្រយ័ត្ន​ពេល​ទិញ​របស់ ព្រោះ​គ្មាន​នរណា​រកស៊ី​ខាត​នោះទេ​។ ដូចនេះ​អ្នក​មិនគួរ​លោភលន់ ដោយ​ឃើញ​របស់​មាន​តម្លៃថោក ប្រមូល​ទិញ​ទាំងអស់​នោះ​ទេ​។​ ​- ឆ្នាំ​ឆ្លូវ គួរតែ​ប្រយ័ត្ន​ពេល​ជួយ​អ្នកដទៃ​។ អ្នក​គួរតែ​ជួយ​ដោយ​មើល​ស្ថានភាព​ផង​។​ - ​ឆ្នាំ​ខាល គួរតែ​ប្រយ័ត្ន ដោយ​មិន​ត្រូវ​មាន​ជំនឿ​ចិត្ត​ហួស​ព្រំដែន​នោះទេ ព្រោះ​វា​អាច​ក្លាយជា​អំណួត​។​ - ​ឆ្នាំ​ថោះ គួរតែ​ប្រយ័ត្ន​ពេល​រាប់អាន​មិត្តភក្តិ ដោយ​មិន​ត្រូវ​ជឿ​អ្នក​ដទៃ​ទាំងស្រុង​នោះ​ទេ​។​ - ​ឆ្នាំ​រោង នៅពេល​ដែល​បណ្តាក់ទុន គួរតែ​ប្រយ័ត្ន ហើយ​គិត​ឲ្យបាន​ល្អិនល្អន់ និង​ម៉ត់ចត់​។​ - ​ឆ្នាំ​ម្សាញ់ គួរតែ​ប្រយ័ត្ន ពាក្យសម្តី​ក្នុង​ស្នេហា ដោយ​គួរតែ​ចេះ​បែងចែក​ពាក្យ​ណា​ជា​ពាក្យពិត ហើយ​ពាក្យ​ណា​ជា​ពាក្យ​កុហក​។​ - ​ឆ្នាំ​មមី គួរតែ​ប្រយ័ត្ន​កុំ​ទាស់​ពាក្យសម្តី​ជាមួយ​អ្នកដទៃ​។​ - ​ឆ្នាំ​មមែ គួរតែ​កុំឲ្យ​គេ​ខ្ចី​លុយ​ឲ្យសោះ​។​ - ​ឆ្នាំ​វក មិនគួរ​តែងតែ​ស្រមើល​ស្រមៃ​ហួស​ព្រំដែន​នោះ​ទេ​។​ - ​ឆ្នាំ​រការ មិន​គួរប្រើ​អាថ៌កំបាំង​របស់​អ្នកដទៃ ទៅ​ប្រាប់​អ្នក​ផ្សេង ដើម្បី​យល់ចិត្ត​ម្នាក់​នោះ​នោះទេ​។​ - ​ឆ្នាំច គួរតែ​ប្រយ័ត្ន​ផ្នែក​សុខភាព​។​ - ​ឆ្នាំ​កុរ មិន​គួរ​និយាយ​ពាក្យ​ត្រង់ៗ​ពេក​ទៅ​កាន់​អ្នក​ដទៃ​ឡើយ ព្រោះ​ធ្វើឲ្យ​អ្នក​ទាំងនោះ​មិន​ពេញចិត្ត​៕ ​

]]>
Rose Online Magazine Fri, 06 Jan 2017 02:55:00 +0000 http://rosemag.net/1649 ចំណេះដឹង